Un libro dixital sobre 'A Medalla Castelao de Xesús Mato'

En total foron 2.755 adhesións as que moveron á Xunta de Galicia a esta concesión, das que 273 foron de Asociacións, entidades ou empresas.

En GaliciaDigital quixemos facer e gardar a historia deste proceso, e naceu o libro dixital “UNHA MEDALLA CASTELAO PARA XESÚS MATO”, que está publicado na Biblioteca Virtual de GaliciaDigital, podendo accederse a el a través desta ligazón.

No libro recóllese o proceso seguido desde a petición ata a recepción, pasando pola relación completa das adhesións de particulares, asociacións, entidades ou empresas, completándose coa concesión, acto de entrega e repercusión desta acción nos medios informativos galegos.