Renace, informatizado, o grupo de traballo galego de Londres

Comeza así a cuarta época do Grupo. A primeira foi de 1970 a 1973, e centrouse nos problemas do ensino da lingua galega. A segunda, de 1979 a 1982, foi máis de reflexión política sobre o momento histórico do país e a evolución do galeguismo no decorrer deses anos. A terceira época foi breve, en 1983 e 1984.
Os integrantes do Grupo, pouco máis de media ducia, puñan en común os resultados dos seus debates e mandábanos por correo a galegos da terra e da diáspora. Esa actividade mantívose sempre independente de todos os grupos políticos. Alguén calificou ese labor de obra de marcianos.
Nesta nova etapa o Grupo publica os seus boletíns na Internet, onde vai incorporando tamén o arquivo de todos os números anteriores desde 1970. O enderezo é www.grupotraballogalego.uk.net.