Saltar ao conido principal

Notas

  • O IGFAE deseña un detector de partículas de longa vida que podería cambiar a comprensión da materia
    Cal é a orixe do Universo ou como explicar a súa composición presente son algúns dos interrogantes aos que se podería subministrar luz a través do achado das denominadas partículas de longa vida. O Instituto Galego de Física de Altas Enerxías (IGFAE) está a traballar no desenvolvemento dun novo detector, CODEX- b, que aspira a identificar este tipo de partículas, especialmente escorregadizas, e preditas en diversos modelos teóricos que van alén do actual Modelo Estándar.
  • A UDC intégrase na Red de Unidades de Cultura Científica y de la Innovación da Fundación para la Ciencia y la Tecnología
    A Universidade da Coruña forma parte xa da Red de Unidades de Cultura Científica y de la Innovación (Red UCC+i) da Fundación para la Ciencia y la Tecnología do Ministerio de Ciencia e Innovación, como membro acreditado. A pertenza a esta rede contribuirá a potenciar a divulgación e a comunicación da ciencia que se produce no ámbito da UDC. A Universidade ten unha Unidade de Divulgación Científica e Cultural que coordina a profesora Mª Cristina Naya Riveiro.
  • As estratexias de márketing móbil baseadas na localización xeran unha actitude positiva cara a compra
    Os dispositivos móbiles fan que boa parte da cidadanía permaneza conectada en todo tempo e en todo lugar, o que proporciona ás empresas novas posibilidades á hora de comunicarse cos seus potenciais clientes. O márketing móbil baséase nunha comunicación bidireccional entre o consumidor e a organización e caracterízase pola súa personalización, inmediatez, interactividade e adaptabilidade.
  • Galicia posiciónase como territorio preferente na extensión do 5G
    As redes móbiles de quinta xeración van moito máis aló dunha evolución da tecnoloxía actual e o Goberno galego vén traballando desde 2018 no obxectivo de posicionar á Comunidade como territorio preferente na extensión das redes 5G. Así o destacou a directora da Axencia para a Modernización Tecnolóxica de Galicia (Amtega), Mar Pereira, na clausura do webinario, 5G, unha revolución en marcha, organizado por APD en colaboración con Vodafone.
  • Investigadores do CiQUS avanzan nunha vacina contra a COVID-19 que poida conservarse a temperatura ambiente
    O programa de micromecenado da USC ‘Sumo Valor’ a través da súa liña específica centrada na loita contra a COVID-19, financia o proxecto de vacina contra o SARS-CoV-2 que o equipo de José Martínez Costas está a desenvolver dende o Centro Singular de Investigación en Química Biolóxica e Materiais Moleculares da USC (CiQUS).
  • O catedrático da USC Ángel Carracedo liderará o maior programa de Medicina Xenómica de España
    O director do grupo de Medicina Xenómica do Centro de Investigación en Medicina Molecular e Enfermidades Crónicas da USC (CiMUS), Ángel Carracedo, coordinará dende Santiago o programa de Medicina Xenómica, un dos tres financiados na Infraestrutura de Medicina de Precisión asociada á Ciencia e Tecnoloxía (IMPaCT) da Acción Estratéxica en Saúde 2017-2020 do ISCIII.
  • Máis do 93% dos concellos galegos conta con sede electrónica
    O 93,4% dos concellos galegos que contan con sede electrónica. Este dato supón un crecemento superior ao 23% respecto á edición anterior desta enquisa. Así se desprende dos resultados do informe bianual “A Administración electrónica nos concellos galegos”, que publica hoxe o Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega) e que recolle datos de 2019.
  • 250 anos do nacemento do 'primeiro científico galego'
    'Afán por aprender e por contribuír ao desenvolvemento científico do seu pais', así definen o profesor José Ángel Docobo e a investigadora Carmen Villaverde Pérez os eixos que definiron a traxectoria do catedrático da USC José Rodríguez González, ao que definen como “o primeiro científico galego”. Neste ano 2020, cumpríronse 250 anos do seu nacemento. Rodríguez González estudou Astronomía e Altas Matemáticas no Observatorio e College de Francia, onde traballou e tivo amizade con grandes científicos como Laplace, Delambre, Biot ou Arago.
  • Galicia aposta polo uso das novas tecnoloxías nas lonxas e portos para impulsar o desenvolvemento do sector pesqueiro
    A conselleira do Mar destacou a importancia de aplicar as tecnoloxías á xestión global da actividade pesqueira para garantir o futuro da actividade e avanzar na súa competitividade, sustentabilidade e no posicionamento dos produtos do mar. Uns obxectivos que perseguen distintos proxectos como Primare, Ticpesc, ou o selo de calidade 'pescadeRías, de onde se non?'.
  • Co lema 'As found!' o arquitecto Carlos Pita Abad gaña o concurso de proxectos para rehabilitar a Fábrica de Armas como Cidade das TIC
    O reitor da Universidade da Coruña, Julio Abalde, e o presidente do Clúster TIC Galicia, Antonio Rodríguez del Corral, deron a coñecer nun acto telemático a relación de premiados do concurso para rehabilitar a Fábrica de Armas como Cidade das TIC, así como o proxecto do primeiro edificio que se fará, o Centro de Servizos Avanzados (CSA).