Notas
-
Presentada pola Catedrática de Computación e Intelixencia Artificial da Universidade da Coruña, Amparo Alonso, no curso 'A Cidade das TIC: construíndo un futuro dixital' organizado polo reitor da UDC, Julio Abalde, a directora da Axencia para a Modernización Tecnolóxica de Galicia, Mar Pereira, definiu o proxecto da Cidade das TIC como un instrumento de colaboración para reter e atraer talento.
-
O camiño cara á normalización do galego na contorna dixital que promove o ‘Proxecto Nós’ ábrese paso a través dunha primeira dotación que permitirá o inicio do proceso de deseño e planificación de accións. O reitor da Universidade de Santiago de Compostela, Antonio López, o conselleiro de Cultura, Educación e Universidade, Román Rodríguez, e a directora da Amtega), Mar Pereira Álvarez, informaron sobre o convenio que formaliza a primeira inxección económica do proxecto.
-
A Facultade de Ciencias da Comunicación da Universidade da Coruña en colaboración co Campus Innova organiza as Xornadas UDC de Desenvolvemento de Videoxogos 2021. Do 2 ao 8 de novembro, numerosos profesionais da industria española abordarán distintos aspectos como o deseño, a narrativa, o estado da industria ou o márketing de videoxogos.
-
A Axencia para a Modernización Tecnolóxica de Galicia pon en marcha unha nova edición do Programa Tecnólog@ por un día, que volve a ofrecer a estudantes de 12 a 17 anos a oportunidade de experimentar, en primeira persoa, unha xornada laboral con profesionais das empresas do sector TIC en Galicia. A iniciativa desenvólvese no marco do Plan de Promoción de Talento Dixital de Galicia DigiTalent.
-
O Grupo de Tecnoloxías da Información, adscrito ao centro de investigación atlanTTic da uVigo, acaba de facerse cun novo galardón internacional, o primeiro premio do ETSI MEC Hackaton, un certame promovido anualmente polo Instituto Europeo de Normas de Telecomunicación -European Telecommunications Standards Institute- e que se enmarca dentro do congreso internacional Edge Computing World, celebrado en liña desde San Francisco.
-
A súa firme aposta pola transformación dixital e polas novas tecnoloxías fai á Universidade de Vigo merecedora dun dos Premios Galicia das Telecomunicacións e da Sociedade da Información 2021. Estes galardóns, que outorgan o Colexio Oficial e a Asociación de Enxeñeiros de Telecomunicación de Galicia, regresan tras un ano de parón pola pandemia para distinguir o emprendemento, a investigación e as boas prácticas xeradas no ámbito TIC galego por parte de diferentes persoas e empresas.
-
'É a tecnoloxía máis transformadora xamais desenvolvida pola humanidade, cun impacto sen precedentes en todo o relacionado co social, económico, laboral e de privacidade'. Así define o director científico do Centro Singular de Investigación en Tecnoloxías Intelixentes da USC (CiTIUS), Senén Barro, a Intelixencia Artificial (IA). Co obxectivo de afondar na IA e no seu marco normativo, o CiTIUS acollerá do 5 ao 8 de outubro unha serie de encontros con expertos que se sumarán á 'Semana Europea pola regulación da IA'.
-
Un seminario internacional da UDC destacará o papel das mulleres creadoras e xogadoras de videoxogosA Universidade da Coruña celebra desde hoxe ata o 20 de outubro a terceira edición do seminario internacional “Mulleres e videoxogos, a ambos lados da pantalla”, impulsado pola Facultade de Comunicación coa colaboración da asociación internacional Women in Games (WIGJ), o Centro de Estudos de Xénero e Feministas (CEXEF), a Asociación Española de Videojuegos-AEVI, a Fundación Museo do Videoxogo de Galicia, o Campus Innova e o Instituto de las Mujeres.
-
ESTALMAT-Galicia é un programa avalado pola Real Academia de Ciencias Exactas, Físicas y Naturales de España. O seu obxectivo é estimular o talento matemático en rapaces de 12, 13 e 14 anos. A primeira das actividades consiste nun campamento matemático durante a fin de semana no Albergue de Ecoturismo Alvarella, en Vilarmaior, que supón unha toma de contacto entre os participantes nun ambiente lúdico-matemático.
-
Fomentar as vocacións científicas e tecnolóxicas en xeral e, entre as nenas e adolescentes, en particular, é a meta da exposición ‘Astrónomas’ centrada nas mulleres que dedicaron a súa vida ao estudo da astronomía e que se inaugura o vindeiro 29 de setembro ás 11:30 horas no Colexio de Fonseca. Con esta iniciativa preténdese non só incrementar a cultura científica, tecnolóxica e innovadora na sociedade, senón, ademais, mellorar a educación científico–técnica en todos os niveis, especialmente entre a xente nova.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »