Notas
-
A USC foi, xunto coas Universidades de Oxford ou Stanford, unha das dezaoito institucións científicas e académicas que participaron no primeiro curso mundial de microbioloxía de acceso aberto en liña a través de Twitter, unha iniciativa organizada polo grupo de Ensino e Difusión da Microbioloxía da Sociedade Española de Microbioloxía (SEM) coa colaboración da Federación de Sociedades Microbiolóxicas Europeas. -
O Centro Demostrador TIC da Axencia para a Modernización Tecnolóxica de Galicia (Amtega) amplía a súa listaxe de ferramentas informáticas no CDTIC Virtual coa inclusión de FacturaScripts. Esta nova solución do CDTIC Virtual está deseñada para axudar aos usuarios na planificación de recursos empresariais e na administración da relación cos clientes. -
A substitución dos combustibles fósiles por novos combustibles procedentes de fontes renovables constitúe unha vella aspiración que a sociedade actual semella ter transformado nunha necesidade máis ou menos urxente de solucionar, xa por mor de cuestións ambientais, xa pola limitación das reservas dos combustibles fósiles, que teñen unha incidencia directa nas emisións do dióxido de carbono. -
O Plan de Promoción do Talento Dixital de Galicia 2020, DigiTalent, estreará tres iniciativas en 2019 con accións divulgativas para reforzar a imaxe dos profesionais vinculados ás TIC, dinámicas de inmersión tecnolóxica e eventos para potenciar o talento en torno ás novas tendencias dixitais. En total o Plan sumará ata 33 actuacións, das cales 12 son lideradas integramente por empresas. -
Arredor de 40 persoas, na súa maioría estudantes de doutoramento e investigadores en formación, participaron este venres no evento de emprendemento EIT Food Games, no marco do que se presentaron diversas iniciativas de iniciativas empresariais e innovación promovidas por EIT Food, Campus Terra e outras impulsadas desde o Clúster Alimentario de Galicia. -
Os autónomos e empresas illadas en zonas do rural galego que estean interesados nas axudas para a dotación de banda larga ultrarrápida teñen un mes para poder realizar a súa solicitude. Os interesados poderán presentar solicitude de forma individual, e como novidade desta convocatoria tamén o poderán facer en agrupación de empresas. -
A inauguración deste evento será presidida o venres polo alcalde da Coruña, Xulio Ferreiro e conta co apoio do Consorcio de Turismo e Congresos da Coruña. CIBTC Coruña propón unha programación transversal con charlas, debates e talleres. A tecnoloxía Blockchain ou cadea de bloques defínese como unha base de datos sólida, distribuída, inviolable e criptográficamente segura. -
Seth Benzell, investigador do MIT (Masssachusets Institute of Technology), dará unha conferencia no CiTIUS o próximo 14 de decembro na que abordará os cambios previstos sobre as forzas de traballo e a sociedade en xeral como consecuencia da automatización da economía e a transformación dixital, así como os seus efectos e os retos asociados á consolidación das novas tecnoloxías, como a Intelixencia Artificial. -
Un total de 932 pacientes crónicos son monitorizados polo Servizo Galego de Saúde, sen necesidade de acudir ao seu centro de saúde, grazas á ferramenta tecnolóxica TELEA. Trátase dun proxecto de innovación que pon en contacto directo aos equipos de profesionais cos pacientes. -
A Axencia para a Modernización Tecnolóxica de Galicia (Amtega) vén de publicar o Mapa de Demanda Temperá para deseñar unha plataforma de contidos interactivos para a Televisión de Galicia, que ofrecerá aos máis novos novas experiencias didácticas adaptadas aos hábitos de consumo actuais.
- « primeira
- ‹ anterior
- …
- 17
- 18
- 19
- 20
- 21
- 22
- 23
- 24
- 25
- …
- seguinte ›
- última »
