Saltar ao conido principal

Notas

  • Galicia aposta polo uso das novas tecnoloxías nas lonxas e portos para impulsar o desenvolvemento do sector pesqueiro
    A conselleira do Mar destacou a importancia de aplicar as tecnoloxías á xestión global da actividade pesqueira para garantir o futuro da actividade e avanzar na súa competitividade, sustentabilidade e no posicionamento dos produtos do mar. Uns obxectivos que perseguen distintos proxectos como Primare, Ticpesc, ou o selo de calidade 'pescadeRías, de onde se non?'.
  • Co lema 'As found!' o arquitecto Carlos Pita Abad gaña o concurso de proxectos para rehabilitar a Fábrica de Armas como Cidade das TIC
    O reitor da Universidade da Coruña, Julio Abalde, e o presidente do Clúster TIC Galicia, Antonio Rodríguez del Corral, deron a coñecer nun acto telemático a relación de premiados do concurso para rehabilitar a Fábrica de Armas como Cidade das TIC, así como o proxecto do primeiro edificio que se fará, o Centro de Servizos Avanzados (CSA).
  • 537 vídeos e 68 canles compiten nos Premios Youtubeir@s
    A cuarta edición dos Premios Youtubeir@s, organizados polos servizos de normalización lingüística de dez concellos, das tres universidades e da Deputación da Coruña, dará a coñecer as persoas gañadoras dos seus doce premios a comezos do mes de decembro. Neste atípico 2020, por mor das circunstancias sanitarias, a organización do certame substituirá a gala de entrega por un formato dixital .
  • A Maker Faire Galicia pecha a sexta edición cun gran salto internacional
    Do 18 ó 22 de novembro tivo lugar a Maker Faire Galicia, desta volta nun formato 100% online e dentro dun Museo Gaiás virtual. Os participantes no evento puxeron en valor o innovador plantexamento da organización e a calidade dos contidos que se ofreceron nesta edición. Desde a organización consideran moi relevante o gran salto internacional desta edición, xa que a metade dos visitantes procederon de latinoamérica.
  • O Programa GIRL STEM entrevista a Dhaunae de Vir e Gisela Vaquero, mulleres referentes na industria dos videoxogos
    Esta semana GIRL STEM conversa con dúas expertas no campo dos videoxogos e deportes electrónicos: Dhaunae de Vir, desenvolvedora de negocio transmedia, e Gisela Vaquero, deseñadora e guionista de videoxogos. As dúas forman parte do movemento Women in games, que axuda, promove e dá visibilidade ás mulleres desenvolvedoras e xogadoras de videoxogos, tanto estudantes, afeccionadas coma profesionais.
  • e-PROT, o novo proxecto que senta as bases da industria electrónica verde
    O investigador Eugenio Vázquez Sentís, do grupo de química biolóxica do Centro Singular de Investigación en Química Biolóxica e Materiais Moleculares da USC (CiQUS), participará nun proxecto europeo denominado e- Prot, que busca desenvolver un novo tipo de nanocables condutores da electricidade baseados en proteínas, que poderían ser a base para a fabricación de futuros dispositivos electrónicos sostibles.
  • Unha vintena de estudantes crean UVigo SpaceLab co obxectivo de deseñar, fabricar e operar pequenos satélites e misións espaciais
    Xatcobeo, Humsat-D, Serpens e Lume-1. A historia recente da Universidade de Vigo non se pode entender sen o traballo que desde hai máis de 13 anos están a desenvolver docentes, investigadores e alumnado e co lograron converter á institución académica viguesa nunha referencia no deseño, fabricación e operación de cubesats, pequenos satélites de 10 cm de arista e masa inferior a 1,33 kg.
  • A Cidade da Cultura acollerá a presentación de proxectos tecnolóxicos e educativos de seis países na 'Maker Faire Galicia'
    A Cidade da Cultura, transformada nesta ocasión nun entorno virtual en 360 graos, acolle un ano máis a Maker Faire Galicia, que estrea un formato totalmente en liña no que argalleiros e argalleiras de seis países diferentes –España, Francia, Portugal, México, Colombia e o Brasil– presentarán os seus proxectos. A través dunha plataforma dixital que recrea o Museo Centro Gaiás, as persoas asistentes poderán interactuar con makers de todas as idades.
  • O programa GIRL STEM entrevista a Begoña Vila, astrofísica galega na NASA
    A entrevista coa enxeñeira galega Begoña Vila inaugura o ciclo de conversas da terceira edición do programa GIRL STEM, derrubando estereotipos, que este ano se transforma nunha acción totalmente dixital e pedagóxica para adaptarse ás circunstancias impostas pola covid-19, pero tamén para avanzar cara dinámicas máis eficaces que acheguen recursos cos que traballar de forma transversal nas aulas de todos os centros de Galicia.
  • CyberSec@GAL pecha a súa segunda edición, dedicada á ciberseguridade en tempos de teletraballo
    O Director Corporativo Empresas de R, Isidro Fernández de la Calle, xunto a Mar Pereira, Directora da AMTEGA, Fernando Suárez, Presidente do CPEIG, e máis o voceiro do ISMS Forum, Roberto Baratta, presentaron a xornada de clausura do segundo foro CyberSec@GAL, que quere converter a Galicia en referente no campo da ciberseguridade e que desta volta se detivo na normativa, solucións, retos e riscos de seguridade na contorna dixital do teletraballo.