Conclúe a Semana de Proxectos Internacionais da UDC, dirixida a localizar novas oportunidades de transferencia en Europa
As persoas participantes, procedentes de centros de investigación, universidades, fundacións, empresas tecnolóxicas, spin-offs e consultoras especializadas, traballaron conxuntamente na identificación de sinerxías e oportunidades de cooperación en proxectos europeos ao longo dos últimos cinco días.
A semana comezou cunha serie de presentacións individuais e unha visita ás instalacións do CITIC, seguida de actividades colaborativas en contornas informais como o "walk and talk" na cidade da Coruña, fomentando a creación de vínculos entre os participantes, ou un taller de análise de sinerxías e identificación de oportunidades mediante a metodoloxía innovadora de "Lego Serious Play", onde as persoas asistentes exploraron novas formas de cooperación interdisciplinaria. Así mesmo, tiveron a oportunidade de coñecer outros centros de investigación da Universidade da Coruña como o Centro de Investigación en Tecnoloxías Navais e Industriais (CITENI), do Campus Industrial de Ferrol, ou Centro Interdisciplinar de Química e Bioloxía (CICA) e o Centro de Innovación Tecnolóxica en Edificación e Enxeñaría Civil (CITEEC), no Campus da Coruña.
A Semana de Proxectos Internacionais contou ademais cun “Info Day” centrado na participación nas convocatorias de 2025 do programa Horizon Europe. Esta xornada, organizada polo CITIC en colaboración coa Oficina de Captación de Persoal Investigador (OCPI) da UDC e da Fundación CITIC, tivo lugar este xoves 24 e incluíu talleres e charlas impartidas por unha persoa experta en proxectos europeos. Durante a sesión repasáronse as principais agrupacións industriais do Pilar II de Horizonte Europa, abarcando áreas clave talles como a saúde, a seguridade civil, o clima ou a enerxía.
A Semana de Proxectos Internacionais reflicte o compromiso do CITIC e de toda a Universidade da Coruña coa transferencia de coñecemento e a colaboración científica de alto impacto a nivel global, proporcionando un espazo único para que persoal investigador, xestor e empresas compartan experiencias, establezan contactos e desenvolvan proxectos conxuntos no marco de Horizon Europe e outras iniciativas internacionais.
A semana comezou cunha serie de presentacións individuais e unha visita ás instalacións do CITIC, seguida de actividades colaborativas en contornas informais como o "walk and talk" na cidade da Coruña, fomentando a creación de vínculos entre os participantes, ou un taller de análise de sinerxías e identificación de oportunidades mediante a metodoloxía innovadora de "Lego Serious Play", onde as persoas asistentes exploraron novas formas de cooperación interdisciplinaria. Así mesmo, tiveron a oportunidade de coñecer outros centros de investigación da Universidade da Coruña como o Centro de Investigación en Tecnoloxías Navais e Industriais (CITENI), do Campus Industrial de Ferrol, ou Centro Interdisciplinar de Química e Bioloxía (CICA) e o Centro de Innovación Tecnolóxica en Edificación e Enxeñaría Civil (CITEEC), no Campus da Coruña.
A Semana de Proxectos Internacionais contou ademais cun “Info Day” centrado na participación nas convocatorias de 2025 do programa Horizon Europe. Esta xornada, organizada polo CITIC en colaboración coa Oficina de Captación de Persoal Investigador (OCPI) da UDC e da Fundación CITIC, tivo lugar este xoves 24 e incluíu talleres e charlas impartidas por unha persoa experta en proxectos europeos. Durante a sesión repasáronse as principais agrupacións industriais do Pilar II de Horizonte Europa, abarcando áreas clave talles como a saúde, a seguridade civil, o clima ou a enerxía.
A Semana de Proxectos Internacionais reflicte o compromiso do CITIC e de toda a Universidade da Coruña coa transferencia de coñecemento e a colaboración científica de alto impacto a nivel global, proporcionando un espazo único para que persoal investigador, xestor e empresas compartan experiencias, establezan contactos e desenvolvan proxectos conxuntos no marco de Horizon Europe e outras iniciativas internacionais.
Universidade da Coruña (UDC)