Reunión do presidente da Xunta coa presidenta de Microsoft Ibérica
O xefe do Executivo autonómico, Emilio Pérez Touriño, destacou a aposta que está a realizar o Goberno que preside no fomento das tecnoloxías da información e a comunicación na nosa comunidade tras reuniuse coa presidenta de Microsoft Ibérica, Rosa María García, quen lle explicou ao presidente galego as iniciativas e programas que está a desenvolver Microsoft neste campo.
Durante a reunión, tanto o titular da Xunta como a presidenta de Microsoft Ibérica, coincidiron na necesidade de concienciar ás empresas galegas de que para competir coas do resto de España e de Europa precisan aumentar o seu investimento en tecnoloxías da información e a comunicación, ante o marco dunha economía cada vez máis global, dinámica e competitiva. Nesta liña, destacaron a importancia que ten o fomento e o uso intensivo e racional das TIC por parte das empresas galegas de cara a mellorar substancialmente a súa produtividade no tecido empresarial e aumentar o seu nivel de competitividade no mercado.
Así mesmo, ambos remarcaron a oportunidade que representa a introdución das TIC no corazón dos procesos levados a cabo pola administración autonómica e local de cara aos cidadáns, posto que contribuirá a axilizar un gran número de trámites e facilitará que a relación entre os cidadáns e os gobernantes sexa máis frutífera e fluída.
O presidente da Xunta coñeceu de primeira man os proxectos que Microsoft está a levar a cabo con distintas administracións españolas para facer realidade o concepto de administración electrónica, achegando o coñecemento e as ferramentas e solucións máis axeitadas para conseguir este obxectivo. Neste sentido, Pérez Touriño analizou con Rosa María García proxectos encamiñados a fomentar o investimento en tecnoloxías da información e a comunicación por parte do sector público e privado, preferentemente no campo das pemes, no sector da educación e da administración electrónica.
Plan Estratéxico Galego para a Sociedade da Información 2007-2010
Pola súa banda, o mandatario galego reiteroulle a Rosa María García o compromiso do Goberno que preside co desenvolvemento das tecnoloxías de información e da comunicación en Galicia. Neste sentido afirmou que o Plan Estratéxico Galego para a Sociedade da Información (PESGI) 2007-2010, aprobado recentemente, permitirá a Galicia rematar coa fenda dixital, mediante a implantación das tecnoloxías da información e a comunicación na sociedade.
O plan, que conta cun investimento de máis de 800 millóns de euros ata o ano 2010 (dos cales 675 proceden da Xunta), recolle oito estratexias operativas entre as que destacan a creación de infraestruturas, o desenvolvemento do sector das tecnoloxías, a aplicación das TIC polo tecido empresarial e a aposta polos servizos públicos de calidade.
Aplicación das TIC
Actualmente o gasto en TIC en España sitúase no 5,5% do PIB (un punto por debaixo dos parámetros europeos), en Galicia os servizos da sociedade da información acadan un volume de negocio do 3,4% do PIB. O presidente da Xunta resaltou que o obxectivo do plan é conseguir a converxencia co resto do Estado e da media europea, situando a achega ao PIB arredor do 6,5%.
Touriño salientou que a Xunta apoiará proxectos que impliquen unha mellora dos procesos de produción, comercialización, información e xestión das peme mediante a incorporación das TIC, fomentando a posibilidade de desenvolver negocio a través de Internet. Paralelamente, desenvolveranse actuacións no sector turístico, no sector primario e promoverase a formación e a capacitación no ámbito das TIC para o desenvolvemento profesional dos traballadores das empresas.
O presidente da Xunta lembrou tamén que o Goberno galego se marca como obxectivo que no ano 2009 todos os núcleos de poboación de máis de 500 vivendas teñan conectividade de banda ampla e que, en 2010, polo menos o 90% da poboación teña acceso a servizos de banda ampla.
Outras iniciativas
Touriño remarcou, ademais, que Galicia conta con outros instrumentos como a Fundación Galega para a Sociedade do Coñecemento, integrada polas sete principais empresas da comunidade, as tres universidades e as principais entidades financeiras, que busca promover, impulsar e coordinar actividades orientadas á mellora da competitividade e internacionalización das empresas galegas.
Paralelamente, a Consellería de Innovación acaba de poñer en marcha o Centro Tecnolóxico de Telecomunicacións de Galicia, GRADIANT, co obxectivo de incrementar o potencial investigador e empresarial galego en TIC. Este proxecto nace ao amparo da propia Xunta, das tres universidades galegas e das principais empresas galegas de telecomunicacións como Arantia 2010, Arteixo Telecom, Eganet, Egatel ou Televes.
Durante a reunión, tanto o titular da Xunta como a presidenta de Microsoft Ibérica, coincidiron na necesidade de concienciar ás empresas galegas de que para competir coas do resto de España e de Europa precisan aumentar o seu investimento en tecnoloxías da información e a comunicación, ante o marco dunha economía cada vez máis global, dinámica e competitiva. Nesta liña, destacaron a importancia que ten o fomento e o uso intensivo e racional das TIC por parte das empresas galegas de cara a mellorar substancialmente a súa produtividade no tecido empresarial e aumentar o seu nivel de competitividade no mercado.
Así mesmo, ambos remarcaron a oportunidade que representa a introdución das TIC no corazón dos procesos levados a cabo pola administración autonómica e local de cara aos cidadáns, posto que contribuirá a axilizar un gran número de trámites e facilitará que a relación entre os cidadáns e os gobernantes sexa máis frutífera e fluída.
O presidente da Xunta coñeceu de primeira man os proxectos que Microsoft está a levar a cabo con distintas administracións españolas para facer realidade o concepto de administración electrónica, achegando o coñecemento e as ferramentas e solucións máis axeitadas para conseguir este obxectivo. Neste sentido, Pérez Touriño analizou con Rosa María García proxectos encamiñados a fomentar o investimento en tecnoloxías da información e a comunicación por parte do sector público e privado, preferentemente no campo das pemes, no sector da educación e da administración electrónica.
Plan Estratéxico Galego para a Sociedade da Información 2007-2010
Pola súa banda, o mandatario galego reiteroulle a Rosa María García o compromiso do Goberno que preside co desenvolvemento das tecnoloxías de información e da comunicación en Galicia. Neste sentido afirmou que o Plan Estratéxico Galego para a Sociedade da Información (PESGI) 2007-2010, aprobado recentemente, permitirá a Galicia rematar coa fenda dixital, mediante a implantación das tecnoloxías da información e a comunicación na sociedade.
O plan, que conta cun investimento de máis de 800 millóns de euros ata o ano 2010 (dos cales 675 proceden da Xunta), recolle oito estratexias operativas entre as que destacan a creación de infraestruturas, o desenvolvemento do sector das tecnoloxías, a aplicación das TIC polo tecido empresarial e a aposta polos servizos públicos de calidade.
Aplicación das TIC
Actualmente o gasto en TIC en España sitúase no 5,5% do PIB (un punto por debaixo dos parámetros europeos), en Galicia os servizos da sociedade da información acadan un volume de negocio do 3,4% do PIB. O presidente da Xunta resaltou que o obxectivo do plan é conseguir a converxencia co resto do Estado e da media europea, situando a achega ao PIB arredor do 6,5%.
Touriño salientou que a Xunta apoiará proxectos que impliquen unha mellora dos procesos de produción, comercialización, información e xestión das peme mediante a incorporación das TIC, fomentando a posibilidade de desenvolver negocio a través de Internet. Paralelamente, desenvolveranse actuacións no sector turístico, no sector primario e promoverase a formación e a capacitación no ámbito das TIC para o desenvolvemento profesional dos traballadores das empresas.
O presidente da Xunta lembrou tamén que o Goberno galego se marca como obxectivo que no ano 2009 todos os núcleos de poboación de máis de 500 vivendas teñan conectividade de banda ampla e que, en 2010, polo menos o 90% da poboación teña acceso a servizos de banda ampla.
Outras iniciativas
Touriño remarcou, ademais, que Galicia conta con outros instrumentos como a Fundación Galega para a Sociedade do Coñecemento, integrada polas sete principais empresas da comunidade, as tres universidades e as principais entidades financeiras, que busca promover, impulsar e coordinar actividades orientadas á mellora da competitividade e internacionalización das empresas galegas.
Paralelamente, a Consellería de Innovación acaba de poñer en marcha o Centro Tecnolóxico de Telecomunicacións de Galicia, GRADIANT, co obxectivo de incrementar o potencial investigador e empresarial galego en TIC. Este proxecto nace ao amparo da propia Xunta, das tres universidades galegas e das principais empresas galegas de telecomunicacións como Arantia 2010, Arteixo Telecom, Eganet, Egatel ou Televes.
Gabinete de Comunicación da Xunta de Galicia