Presentada en Bruxelas a Rede Neurona de Plataformas Tecnolóxicas Galegas
A Consellaría de Innovación e Industria (Xunta de Galicia) presentou en Bruxelas a Rede Galega de Plataformas Tecnolóxicas –NEURONA- como a ferramenta para a colaboración e internacionalización de sectores estratéxicos para a economía galega. A presentación, que tivo lugar na sede do CSIC na capital belga, serviu para dar a coñecer no ámbito europeo a creación e os primeiros resultados desta rede integrada na actualidade por 17 plataformas sectoriais que agrupan a máis de mil cincocentas empresas. Participaron no acto Salustiano Mato de la Iglesia, director xeral de I+D+i; José Manuel Silva, director xeral de Investigación da Comisión Europea; e representantes das Plataformas Tecnolóxicas Galegas de Agroalimentación, Biotecnoloxía e Tecnoloxías da Información e das Comunicacións.
As plataformas tecnolóxicas, consorcios de todos os axentes do Sistema Galego de Innovación relacionados cun sector, son un dos eixos da política de articulación do Sistema Galego de I+D+i. Salustiano Mato explicou que as plataformas tecnolóxicas teñen entre os seus principais obxectivos aumentar a capacidade innovadora de Galiza transformando o coñecemento científico en valor económico engadido, garantir que se cumpran os avances tecnolóxicos e de I+D+i nos distintos sectores estratéxicos a medio e longo prazo, acadar e mobilizar unha masa crítica de I+D+i en cada un dos sectores estratéxicos para Galiza, orientar os investimentos locais e estatais públicos e privados en I+D+i e facilitar a participación das empresas, especialmente PEMES, en grandes proxectos de ámbito estatal e internacional.
Actualmente as 17 plataformas tecnolóxicas existentes agrupan a máis de 1500 socios. Entre eles súmanse 1020 empresas, 46 asociacións e clústeres empresariais, 22 centros tecnolóxicos e 317 grupos de investigación. A Consellaría de Innovación e Industria investiu máis de 4,5 millóns de euros na creación e consolidación destas plataformas que obtiveron xa máis de 17 millóns de euros de apoio financeiro e que están a mobilizar máis de 81 millóns de euros en proxectos.
Coordinación europea
O director xeral de Investigación da Comisión Europea, o galego José Manuel Silva, felicitou á delegación de Galiza e amosou a súa seguridade en que as Plataformas Tecnolóxicas Galegas establecerán sinerxías no contexto europeo para “evitar a fragmentación dos esforzos de investigación entre os sectores público e privado” e “entre os estados e as rexións de Europa”. Así mesmo, felicitou á delegación galega por traballar “a prol da excelencia científica” e por “compartir o espírito do Espazo Europeo de Investigación”.
José Manuel Silva expresou a necesidade da C.E. de coordinar as accións das Plataformas Europeas coas que se desenvolven nos países membros da Unión e asegurou que a unión de esforzos “é unha condición sine qua non para asegurar o éxito de ambas iniciativas”. Segundo explicou, algunhas Plataformas Tecnolóxicas europeas conseguiron influír en Programas de Investigación dalgúns estados membros “precisamente a través dos seus vínculos coas plataformas rexionais ou estatais”.
Neurona, instrumento de colaboración
En abril do presente ano, presentouse a rede Neurona como foro de encontro entre as Plataformas Tecnolóxicas Galegas para “o intercambio de información sobre necesidades e intereses no ámbito da I+D+i, así como experiencias propias e mellores prácticas na constitución e consolidación das plataformas”, como explicou Salustiano Mato, que definiu Neurona como “un ente facilitador, dinámico e flexible, para o intercambio de información e experiencias”.
O director xeral indicou que a Rede facilitará ademais a colaboración entre os axentes integrados nela para a realización de proxectos de I+D+i e a creación dunha imaxe institucional única da I+D+i de Galiza, o que permitirá a internacionalización da economía galega nos seus sectores fundamentais.
Na procura destes obxectivos estratéxicos, desde a Rede Neurona estanse a realizar obradoiros sobre metodoloxías e funcionamento das plataformas tecnolóxicas e a organizar encontros para promover a colaboración e a xeración de proxectos en cooperación. Ademais, Neurona puxo ou está a poñer en marcha servizos como o Catálogo de capacidades de I+D+i, o Servizo de Vixilancia Tecnolóxica, o Club de Investidores, e proporciona apoio e asesoramento sobre a orientación dos proxectos e sobre fontes de financiamento.
Tres exemplos
Na presentación de Neurona en Bruxelas participaron tamén os representantes de tres das plataformas tecnolóxicas galegas para explicar a organización, o funcionamento e os primeiros resultados obtidos por cada unha delas. Antonio Rodríguez del Corral, presidente da Plataforma Tecnolóxica Galega das TIC – VINDEIRA; Lorenzo Pastrana, vicepresidente da Plataforma Tecnolóxica Galega Agroalimentaria (PTGAL), e María Isabel Loza, representante da Plataforma Tecnolóxica Galega de Biotecnoloxía.
Os tres representantes das plataformas explicaron que se están a crear grupos de traballo coa participación de empresas, universidades e centros tecnolóxicos segundo as liñas de investigación definidas polas Axendas Estratéxicas de Investigación que cada un dos organismos redacta para establecer as súas prioridades.
Antonio Rodríguez del Corral indicou que a estratexia que segue VINDEIRA é promover a colaboración entre universidades, empresas e centros tecnolóxicos para obter financiamento e desenvolver produtos innovadores de hardware e de software. Están xa a traballar grupos en temas específicos como a domótica, as tecnoloxías móbiles ou a televisión interactiva dixital.
A PTGAL, pola súa banda, conta con grupos de traballo vinculados a proxectos sobre seguridade alimentara, tecnoloxías emerxentes e valorización de subprodutos. Lorenzo Pastrana, o seu vicepresidente, explicou que estas materias de investigación son froito dos obxectivos marcados na Axenda Estratéxica, que define ademais tres liñas transversais nas que tamén están a avanzar grupos da plataforma: o incremento das capacidades de innovación, as estruturas de soporte ao I+D+i e a investigación de mercados.
Pola súa banda, María Isabel Loza, explicou que no sector da biotecnoloxía se propiciaron iniciativas para a transferencia da investigación ao ámbito empresarial e destacou o proxecto ChemBioGal, apoiado pola Consellaría de Innovación e Industria, para a construción dunha biblioteca pública en Galiza en materia de biotecnoloxía. Participan no proxecto quince grupos de investigación galegos e do norte de Portugal, dúas empresas e os principais centros de investigación.
Os obxectivos estratéxicos da Plataforma de Biotecnoloxía, á que están adheridas dezasete empresas, son potenciar a competitividade galega no campo da biotecnoloxía aplicada á saúde, impulsar o sector empresarial galego mediante a execución de proxectos innovadores e converterse nun foro de referencia acadando unha alta representatividade.
As plataformas tecnolóxicas, consorcios de todos os axentes do Sistema Galego de Innovación relacionados cun sector, son un dos eixos da política de articulación do Sistema Galego de I+D+i. Salustiano Mato explicou que as plataformas tecnolóxicas teñen entre os seus principais obxectivos aumentar a capacidade innovadora de Galiza transformando o coñecemento científico en valor económico engadido, garantir que se cumpran os avances tecnolóxicos e de I+D+i nos distintos sectores estratéxicos a medio e longo prazo, acadar e mobilizar unha masa crítica de I+D+i en cada un dos sectores estratéxicos para Galiza, orientar os investimentos locais e estatais públicos e privados en I+D+i e facilitar a participación das empresas, especialmente PEMES, en grandes proxectos de ámbito estatal e internacional.
Actualmente as 17 plataformas tecnolóxicas existentes agrupan a máis de 1500 socios. Entre eles súmanse 1020 empresas, 46 asociacións e clústeres empresariais, 22 centros tecnolóxicos e 317 grupos de investigación. A Consellaría de Innovación e Industria investiu máis de 4,5 millóns de euros na creación e consolidación destas plataformas que obtiveron xa máis de 17 millóns de euros de apoio financeiro e que están a mobilizar máis de 81 millóns de euros en proxectos.
Coordinación europea
O director xeral de Investigación da Comisión Europea, o galego José Manuel Silva, felicitou á delegación de Galiza e amosou a súa seguridade en que as Plataformas Tecnolóxicas Galegas establecerán sinerxías no contexto europeo para “evitar a fragmentación dos esforzos de investigación entre os sectores público e privado” e “entre os estados e as rexións de Europa”. Así mesmo, felicitou á delegación galega por traballar “a prol da excelencia científica” e por “compartir o espírito do Espazo Europeo de Investigación”.
José Manuel Silva expresou a necesidade da C.E. de coordinar as accións das Plataformas Europeas coas que se desenvolven nos países membros da Unión e asegurou que a unión de esforzos “é unha condición sine qua non para asegurar o éxito de ambas iniciativas”. Segundo explicou, algunhas Plataformas Tecnolóxicas europeas conseguiron influír en Programas de Investigación dalgúns estados membros “precisamente a través dos seus vínculos coas plataformas rexionais ou estatais”.
Neurona, instrumento de colaboración
En abril do presente ano, presentouse a rede Neurona como foro de encontro entre as Plataformas Tecnolóxicas Galegas para “o intercambio de información sobre necesidades e intereses no ámbito da I+D+i, así como experiencias propias e mellores prácticas na constitución e consolidación das plataformas”, como explicou Salustiano Mato, que definiu Neurona como “un ente facilitador, dinámico e flexible, para o intercambio de información e experiencias”.
O director xeral indicou que a Rede facilitará ademais a colaboración entre os axentes integrados nela para a realización de proxectos de I+D+i e a creación dunha imaxe institucional única da I+D+i de Galiza, o que permitirá a internacionalización da economía galega nos seus sectores fundamentais.
Na procura destes obxectivos estratéxicos, desde a Rede Neurona estanse a realizar obradoiros sobre metodoloxías e funcionamento das plataformas tecnolóxicas e a organizar encontros para promover a colaboración e a xeración de proxectos en cooperación. Ademais, Neurona puxo ou está a poñer en marcha servizos como o Catálogo de capacidades de I+D+i, o Servizo de Vixilancia Tecnolóxica, o Club de Investidores, e proporciona apoio e asesoramento sobre a orientación dos proxectos e sobre fontes de financiamento.
Tres exemplos
Na presentación de Neurona en Bruxelas participaron tamén os representantes de tres das plataformas tecnolóxicas galegas para explicar a organización, o funcionamento e os primeiros resultados obtidos por cada unha delas. Antonio Rodríguez del Corral, presidente da Plataforma Tecnolóxica Galega das TIC – VINDEIRA; Lorenzo Pastrana, vicepresidente da Plataforma Tecnolóxica Galega Agroalimentaria (PTGAL), e María Isabel Loza, representante da Plataforma Tecnolóxica Galega de Biotecnoloxía.
Os tres representantes das plataformas explicaron que se están a crear grupos de traballo coa participación de empresas, universidades e centros tecnolóxicos segundo as liñas de investigación definidas polas Axendas Estratéxicas de Investigación que cada un dos organismos redacta para establecer as súas prioridades.
Antonio Rodríguez del Corral indicou que a estratexia que segue VINDEIRA é promover a colaboración entre universidades, empresas e centros tecnolóxicos para obter financiamento e desenvolver produtos innovadores de hardware e de software. Están xa a traballar grupos en temas específicos como a domótica, as tecnoloxías móbiles ou a televisión interactiva dixital.
A PTGAL, pola súa banda, conta con grupos de traballo vinculados a proxectos sobre seguridade alimentara, tecnoloxías emerxentes e valorización de subprodutos. Lorenzo Pastrana, o seu vicepresidente, explicou que estas materias de investigación son froito dos obxectivos marcados na Axenda Estratéxica, que define ademais tres liñas transversais nas que tamén están a avanzar grupos da plataforma: o incremento das capacidades de innovación, as estruturas de soporte ao I+D+i e a investigación de mercados.
Pola súa banda, María Isabel Loza, explicou que no sector da biotecnoloxía se propiciaron iniciativas para a transferencia da investigación ao ámbito empresarial e destacou o proxecto ChemBioGal, apoiado pola Consellaría de Innovación e Industria, para a construción dunha biblioteca pública en Galiza en materia de biotecnoloxía. Participan no proxecto quince grupos de investigación galegos e do norte de Portugal, dúas empresas e os principais centros de investigación.
Os obxectivos estratéxicos da Plataforma de Biotecnoloxía, á que están adheridas dezasete empresas, son potenciar a competitividade galega no campo da biotecnoloxía aplicada á saúde, impulsar o sector empresarial galego mediante a execución de proxectos innovadores e converterse nun foro de referencia acadando unha alta representatividade.
Gabinete de Comunicación da Consellería de Innovación e Industria da Xunta de Galicia