As webs dos centros escolares dispoñen dunha aula virtual aberta para intercambios de coñecemento
A Consellería de Educación e Ordenación Universitaria vén de poñer en marcha a Aula Virtual Aberta, no marco do proceso de mellora e actualización do proxecto ‘Webs Dinámicas’, polo que está a dotar ás webs dos centros escolares galegos de novas aplicacións.
Tendo en conta que na nova Sociedade da Información, a forma de compartir o coñecemento muda dun xeito radical, Educación quere pór a disposición da comunidade educativa unha ferramenta de clara dimensión colaborativa, na que estudantes e docentes poderán intercambiar traballos, experiencias, coñecementos e proxectos. Así mesmo, todos os profesores e profesoras que estean a elaborar cursos virtuais relacionados co proxecto ‘Webs Dinámicas’, Software Libre, ou outros temas relacionados coas Tecnoloxías da Información e a Comunicación (TIC) e a Sociedade da Información, e queiran compartir os seus coñecementos coa comunidade educativa, poderán facelo nesta Aula Virtual Aberta, ou incluso xestionalos desde ela. Unhas achegas ás que poderán ter tamén acceso os convidados, non usuarios habituais da plataforma.
Tamén no marco deste proxecto, permanece aberto o prazo de matriculación nos cursos sobre Webs Dinámicas para o profesorado, que se van impartir a través da Plataforma de Teleformación Galega (PLATEGA). Este ano a oferta comprende dous cursos de 30 horas de duración cada un, sobre ‘Formación a distancia en administración das Webs Dinámicas’, e ‘Formación a distancia en Webs Dinámicas para o emprego didácticos nos centros educativos’. A maiores, todos estarán dispoñibles, en aberto, sen titorización nin certificación, na Aula Virtual Aberta.
Proxecto ‘Webs Dinámicas’
A Consellería de Educación está a ofrecer de forma totalmente gratuíta aos centros educativos a participación no proxecto ‘Webs Dinámicas’, co que quere promover a comunicación e colaboración entre os membros da comunidade educativa a través de plataformas web 2.0. Esta iniciativa xorde do feito de que, aínda que a maioría dos colexios e institutos contaban cun espazo propio en internet, non eran froito dun traballo colectivo da comunidade educativa, polo que foron quedando esquecidas, ou tendo pouco seguimento por parte dos docentes e o alumnado.
Ademais, o proxecto fomenta a utilización das TICs, no marco da Sociedade da Información, permitindo o achegamento real de contidos educativos dixitais ás aulas, a través de tecnoloxías innovadoras. O obxectivo último é contribuír á difusión do coñecemento libre nun marco altamente colaborativo e de licenzas abertas, en consonancia coas novas tendencias na Sociedade do Coñecemento, e reducir dese xeito a fenda dixital existente.
Eliminar barreiras
Conscientes das dificultades que supón empregar linguaxes de programación, ferramentas máis ou menos complicados de edición de webs, e aloxalas nun servidor, factores que rematan por derivar en que as páxinas deixen de actualizarse; desde Educación ofértase aos centros unhas aplicacións dinámicas en contorno web preinstaladas nos servidores da Consellería.
Trátase, fundamentalmente, da instalación e configuración de tres ferramentas: Drupal, como xestor de contidos; Moodle, como aula virtual; e Coppermine, como galería de imaxes. Todas elas están baseadas na tecnoloxía da web 2.0, polo que para poder usalas tan só é necesario dispoñer de conexión a Internet e un navegador do tipo Internet Explorer ou Mozilla Firefox.
Estas aplicacións dispoñibles en 'Webs Dinámicas' non precisan que os usuarios teñan coñecementos previos de linguaxes informáticas, facendo máis doadas as actualizacións, e permitindo definir múltiples estilos de páxina. Así, elimínanse as diferenzas entre centros educativos de alta cualificación tecnolóxica con aqueles menos alfabetizados.
En consonancia con este espírito, é o propio equipo técnico da Consellería quen se ocupa da instalación e configuración destas ferramentas, así como das actualizacións, parches de seguridade, novos temas e módulos, buscando a uniformidade dos compoñentes instalados aos centros participantes. Un asesor do departamento educativo acude, ademais, aos colexios e institutos para explicar o seu uso.
Este servizo, co que a Consellería traballa en favor dunha introdución integral das TIC na educación galega, está a disposición de todos os centros, que poden solicitalo enviando un correo electrónico ao enderezo websdinamicas@edu.xunta.es. Para máis información sobre a iniciativa, poden visitar a web do proxecto en http://centros.edu.xunta.es/websdinamicas/.
Tendo en conta que na nova Sociedade da Información, a forma de compartir o coñecemento muda dun xeito radical, Educación quere pór a disposición da comunidade educativa unha ferramenta de clara dimensión colaborativa, na que estudantes e docentes poderán intercambiar traballos, experiencias, coñecementos e proxectos. Así mesmo, todos os profesores e profesoras que estean a elaborar cursos virtuais relacionados co proxecto ‘Webs Dinámicas’, Software Libre, ou outros temas relacionados coas Tecnoloxías da Información e a Comunicación (TIC) e a Sociedade da Información, e queiran compartir os seus coñecementos coa comunidade educativa, poderán facelo nesta Aula Virtual Aberta, ou incluso xestionalos desde ela. Unhas achegas ás que poderán ter tamén acceso os convidados, non usuarios habituais da plataforma.
Tamén no marco deste proxecto, permanece aberto o prazo de matriculación nos cursos sobre Webs Dinámicas para o profesorado, que se van impartir a través da Plataforma de Teleformación Galega (PLATEGA). Este ano a oferta comprende dous cursos de 30 horas de duración cada un, sobre ‘Formación a distancia en administración das Webs Dinámicas’, e ‘Formación a distancia en Webs Dinámicas para o emprego didácticos nos centros educativos’. A maiores, todos estarán dispoñibles, en aberto, sen titorización nin certificación, na Aula Virtual Aberta.
Proxecto ‘Webs Dinámicas’
A Consellería de Educación está a ofrecer de forma totalmente gratuíta aos centros educativos a participación no proxecto ‘Webs Dinámicas’, co que quere promover a comunicación e colaboración entre os membros da comunidade educativa a través de plataformas web 2.0. Esta iniciativa xorde do feito de que, aínda que a maioría dos colexios e institutos contaban cun espazo propio en internet, non eran froito dun traballo colectivo da comunidade educativa, polo que foron quedando esquecidas, ou tendo pouco seguimento por parte dos docentes e o alumnado.
Ademais, o proxecto fomenta a utilización das TICs, no marco da Sociedade da Información, permitindo o achegamento real de contidos educativos dixitais ás aulas, a través de tecnoloxías innovadoras. O obxectivo último é contribuír á difusión do coñecemento libre nun marco altamente colaborativo e de licenzas abertas, en consonancia coas novas tendencias na Sociedade do Coñecemento, e reducir dese xeito a fenda dixital existente.
Eliminar barreiras
Conscientes das dificultades que supón empregar linguaxes de programación, ferramentas máis ou menos complicados de edición de webs, e aloxalas nun servidor, factores que rematan por derivar en que as páxinas deixen de actualizarse; desde Educación ofértase aos centros unhas aplicacións dinámicas en contorno web preinstaladas nos servidores da Consellería.
Trátase, fundamentalmente, da instalación e configuración de tres ferramentas: Drupal, como xestor de contidos; Moodle, como aula virtual; e Coppermine, como galería de imaxes. Todas elas están baseadas na tecnoloxía da web 2.0, polo que para poder usalas tan só é necesario dispoñer de conexión a Internet e un navegador do tipo Internet Explorer ou Mozilla Firefox.
Estas aplicacións dispoñibles en 'Webs Dinámicas' non precisan que os usuarios teñan coñecementos previos de linguaxes informáticas, facendo máis doadas as actualizacións, e permitindo definir múltiples estilos de páxina. Así, elimínanse as diferenzas entre centros educativos de alta cualificación tecnolóxica con aqueles menos alfabetizados.
En consonancia con este espírito, é o propio equipo técnico da Consellería quen se ocupa da instalación e configuración destas ferramentas, así como das actualizacións, parches de seguridade, novos temas e módulos, buscando a uniformidade dos compoñentes instalados aos centros participantes. Un asesor do departamento educativo acude, ademais, aos colexios e institutos para explicar o seu uso.
Este servizo, co que a Consellería traballa en favor dunha introdución integral das TIC na educación galega, está a disposición de todos os centros, que poden solicitalo enviando un correo electrónico ao enderezo websdinamicas@edu.xunta.es. Para máis información sobre a iniciativa, poden visitar a web do proxecto en http://centros.edu.xunta.es/websdinamicas/.
Gabinete de Comunicación da Consellería de Educación e Ordenación Universitaria da Xunta de Galicia