Aumenta 30 puntos nos dous últimos anos o uso do software libre nas empresas galegas
O Software Libre está presente no 63,6% das pemes galegas, cun crecemento de 30 puntos porcentuais con respecto entre os anos 2008 e 2010. Así se recolle en dous informes: un sobre o uso do Software Libre nas pemes, e outro específico sobre Software Libre nas empresas informáticas de Galicia, elaborados polo Observatorio para a Sociedade da Información de Galicia (Osimga) e que foron presentados pola secretaria xeral de Modernización e Innovación Tecnolóxica, Mar Pereira.
Oferta e demanda aliñadas
Os estudos do Osimga sinalan que preto do 60% das empresas informáticas de Galicia que ofertan produtos ou servizos de software aos seus clientes ofrecen produtos de software libre, incrementando esta oferta en máis dun 15% no período 2008-2010. Estes datos poñen de manifesto que existe un amplo conxunto de provedores galegos de software libre, e que están a aliñar a súa oferta coa demanda crecente deste tipo de produtos e servizos, o que demostra a boa lectura do mercado que está a facer o sector TIC galego
Valoración positiva
A responsable de Modernización destacou entre os datos do informe que o 35% das empresas que aínda non empregan Software Libre consideran que usalo sería beneficioso para elas. Ademais, o 53,4% das empresas galegas opina que o uso de Software Libre se incrementará e o 58,2% valora positivamente os produtos de Software Libre.
Por outra banda, as pemes galegas que xa empregan Software Libre expresan unha alta satisfacción co seu uso (de media, 7 puntos sobre 10), practicamente parella coa satisfacción que teñen co software propietario que utilizan. No caso das empresas TIC galegas, este nivel de satisfacción é de 8 puntos sobre 10, case un 10% superior á satisfacción destas co software propietario.
Para Mar Pereira estes datos "confirman que as empresas galegas xa perciben o Software Libre como un software que achega solucións aos seus negocios e que este tipo de software xa forma parte da cultura xeral destas sobre as TIC, e que conta cun elevado ritmo de introdución en pemes de todos os sectores."
Neste sentido, a secretaria xeral destacou que a Administración autonómica considera que existe unha oportunidade de negocio na posta a disposición do empresariado galego de solucións baseadas en Software Libre, e que os produtos e servizos arredor do mesmo constitúen solucións de contrastada calidade, e eficientes dende o punto de vista de investimento en TIC.
O software libre na Administración autonómica
Por outra parte, Mar Pereira recordou que a Xunta está a impulsar e dando a coñecer proxectos baseados en Software Libre e está a apostar por eles en proxectos de calado. Ademais de contar cun Plan específico de fomento do Software Libre con 120 accións, a Xunta emprega solucións de software libre en iniciativas de gran transcendencia como o Proxecto Abalar, co que se está a formar ás futuras xeracións e profesionais en contornos de traballo integramente en Software Libre e chegará que este ano a 31.500 alumnos de ao redor de 1.500 aulas da comunidade educativa galega.
Ademais, a secretaria xeral destacou que se está a fomentar a dispoñibilidade dunha oferta formativa en ferramentas libres dirixida á cidadanía galega no seu conxunto. No ámbito profesional e empresarial, a través do Centro de Novas Tecnoloxías de Galicia que impartiu no último curso académico un 53% da súa formación sobre tecnoloxías ou metodoloxías libres. A mesma liña se está a seguir na formación dixital que se imparte nas 94 aulas de CeMIT, dende as que se traballa para achegar a tecnoloxía a toda a sociedade e que está equipada con sistemas operativos, solucións e ferramentas informáticas baseadas en Software Libre,
En canto ao sector empresarial, Mar Pereira recordou a posta en marcha en xuño deste ano do Centro Demostrador TIC, que ten o obxectivo de facilitarlles ás empresas Tecnolóxicas os medios para dar a coñecer a súa oferta de produtos e servizos a outros sectores produtivos e onde o software libre ocupa un espazo relevante.
Comisión Executiva de CENATIC en Santiago
Na rolda de prensa interviñeron tamén o director xeral de entidade pública estatal red.es, Carlos Cano, e o director xeral de CENATIC, Miquel Jaque, que acudiron á comisión executiva do Centro Nacional de Referencia de Aplicación das TIC baseadas en Fontes Abertas (CENATIC), que se celebrou hoxe por primeira vez en Santiago de Compostela. Galicia incorporouse o pasado mes de febreiro ao Padroado de CENATIC, entidade que ten entre os seus obxectivos principais promover o coñecemento e difusión do software libre na Administración e nos diferentes sectores produtivos
Durante a súa intervención, o director xerente do CENATIC, Miguel Jaque, agradeceu a aposta que o Goberno galego está a realizar en favor do software libre en xeral, así como "o carácter impulsor da súa presenza no Padroado de CENATIC". O directivo do Centro Nacional de Referencia afirmou que os datos mostrados hoxe pola Xunta confirman a tendencia recollida polo INE a nivel de todo o estado, que mostran o enorme avance no uso de software libre por parte das empresas en España, e o importante papel que teñen as tecnoloxías libres na mellora tecnolóxica da empresa española.
Jaque afirmou que este aumento da tecnificación mellorará a súa competitividade "e para que sigan crecendo en eficiencia e independencia tecnolóxica, tamén poñemos á súa disposición o Programa de Mellora da Competitividade da Empresa TIC, presentado hoxe en Santiago. Este programa, que pode coñecerse máis en profundidade en http://mce.cenatic.es é un instrumento a disposición da empresa TIC que queira mellorar a súa oferta de produtos e servizos baseados en software libre”.
Pola súa banda o director xeral de red.es, Carlos Cano, afondou na necesidade de apostar pola tecnoloxía e sinalou que a nosa mellor opción para crecer nun mundo difícil, e nunha economía global en crise, é a innovación: gañar en produtividade naqueles sectores nos que participamos. E as TIC, son a mellor ferramenta para gañar esa necesaria competitividade. Somos un sector chave e temos que estar á altura do que se espera de nós"
Galicia no CENATIC
Galicia incorporouse en febreiro para que o Goberno galego teña voz e voto na entidade na que se toman as decisións estratéxicas para o fomento do Software Libre a nivel estatal. Ademais de Galicia no Padroado de CENATIC están tamén as comunidades autónomas de Andalucía, Asturias, Aragón, Cantabria, Cataluña, Illes Balears e Pais Vasco así como a empresa Telefónica.
Oferta e demanda aliñadas
Os estudos do Osimga sinalan que preto do 60% das empresas informáticas de Galicia que ofertan produtos ou servizos de software aos seus clientes ofrecen produtos de software libre, incrementando esta oferta en máis dun 15% no período 2008-2010. Estes datos poñen de manifesto que existe un amplo conxunto de provedores galegos de software libre, e que están a aliñar a súa oferta coa demanda crecente deste tipo de produtos e servizos, o que demostra a boa lectura do mercado que está a facer o sector TIC galego
Valoración positiva
A responsable de Modernización destacou entre os datos do informe que o 35% das empresas que aínda non empregan Software Libre consideran que usalo sería beneficioso para elas. Ademais, o 53,4% das empresas galegas opina que o uso de Software Libre se incrementará e o 58,2% valora positivamente os produtos de Software Libre.
Por outra banda, as pemes galegas que xa empregan Software Libre expresan unha alta satisfacción co seu uso (de media, 7 puntos sobre 10), practicamente parella coa satisfacción que teñen co software propietario que utilizan. No caso das empresas TIC galegas, este nivel de satisfacción é de 8 puntos sobre 10, case un 10% superior á satisfacción destas co software propietario.
Para Mar Pereira estes datos "confirman que as empresas galegas xa perciben o Software Libre como un software que achega solucións aos seus negocios e que este tipo de software xa forma parte da cultura xeral destas sobre as TIC, e que conta cun elevado ritmo de introdución en pemes de todos os sectores."
Neste sentido, a secretaria xeral destacou que a Administración autonómica considera que existe unha oportunidade de negocio na posta a disposición do empresariado galego de solucións baseadas en Software Libre, e que os produtos e servizos arredor do mesmo constitúen solucións de contrastada calidade, e eficientes dende o punto de vista de investimento en TIC.
O software libre na Administración autonómica
Por outra parte, Mar Pereira recordou que a Xunta está a impulsar e dando a coñecer proxectos baseados en Software Libre e está a apostar por eles en proxectos de calado. Ademais de contar cun Plan específico de fomento do Software Libre con 120 accións, a Xunta emprega solucións de software libre en iniciativas de gran transcendencia como o Proxecto Abalar, co que se está a formar ás futuras xeracións e profesionais en contornos de traballo integramente en Software Libre e chegará que este ano a 31.500 alumnos de ao redor de 1.500 aulas da comunidade educativa galega.
Ademais, a secretaria xeral destacou que se está a fomentar a dispoñibilidade dunha oferta formativa en ferramentas libres dirixida á cidadanía galega no seu conxunto. No ámbito profesional e empresarial, a través do Centro de Novas Tecnoloxías de Galicia que impartiu no último curso académico un 53% da súa formación sobre tecnoloxías ou metodoloxías libres. A mesma liña se está a seguir na formación dixital que se imparte nas 94 aulas de CeMIT, dende as que se traballa para achegar a tecnoloxía a toda a sociedade e que está equipada con sistemas operativos, solucións e ferramentas informáticas baseadas en Software Libre,
En canto ao sector empresarial, Mar Pereira recordou a posta en marcha en xuño deste ano do Centro Demostrador TIC, que ten o obxectivo de facilitarlles ás empresas Tecnolóxicas os medios para dar a coñecer a súa oferta de produtos e servizos a outros sectores produtivos e onde o software libre ocupa un espazo relevante.
Comisión Executiva de CENATIC en Santiago
Na rolda de prensa interviñeron tamén o director xeral de entidade pública estatal red.es, Carlos Cano, e o director xeral de CENATIC, Miquel Jaque, que acudiron á comisión executiva do Centro Nacional de Referencia de Aplicación das TIC baseadas en Fontes Abertas (CENATIC), que se celebrou hoxe por primeira vez en Santiago de Compostela. Galicia incorporouse o pasado mes de febreiro ao Padroado de CENATIC, entidade que ten entre os seus obxectivos principais promover o coñecemento e difusión do software libre na Administración e nos diferentes sectores produtivos
Durante a súa intervención, o director xerente do CENATIC, Miguel Jaque, agradeceu a aposta que o Goberno galego está a realizar en favor do software libre en xeral, así como "o carácter impulsor da súa presenza no Padroado de CENATIC". O directivo do Centro Nacional de Referencia afirmou que os datos mostrados hoxe pola Xunta confirman a tendencia recollida polo INE a nivel de todo o estado, que mostran o enorme avance no uso de software libre por parte das empresas en España, e o importante papel que teñen as tecnoloxías libres na mellora tecnolóxica da empresa española.
Jaque afirmou que este aumento da tecnificación mellorará a súa competitividade "e para que sigan crecendo en eficiencia e independencia tecnolóxica, tamén poñemos á súa disposición o Programa de Mellora da Competitividade da Empresa TIC, presentado hoxe en Santiago. Este programa, que pode coñecerse máis en profundidade en http://mce.cenatic.es é un instrumento a disposición da empresa TIC que queira mellorar a súa oferta de produtos e servizos baseados en software libre”.
Pola súa banda o director xeral de red.es, Carlos Cano, afondou na necesidade de apostar pola tecnoloxía e sinalou que a nosa mellor opción para crecer nun mundo difícil, e nunha economía global en crise, é a innovación: gañar en produtividade naqueles sectores nos que participamos. E as TIC, son a mellor ferramenta para gañar esa necesaria competitividade. Somos un sector chave e temos que estar á altura do que se espera de nós"
Galicia no CENATIC
Galicia incorporouse en febreiro para que o Goberno galego teña voz e voto na entidade na que se toman as decisións estratéxicas para o fomento do Software Libre a nivel estatal. Ademais de Galicia no Padroado de CENATIC están tamén as comunidades autónomas de Andalucía, Asturias, Aragón, Cantabria, Cataluña, Illes Balears e Pais Vasco así como a empresa Telefónica.
Gabinete de Comunicación da Xunta de Galicia