O CPEIG e Amtega difunden as experiencias na implantación de proxectos TIC nas empresas galegas
Esta xornada do CPEIG desenvolverase o xoves 18 de xuño, de 16.30 a 19.00 horas, no Centro Demostrador TIC de Santiago de Compostela. Trátase así de achegarlles a pequenos empresarios e autónomos interesados na implantación de novas tecnoloxías nos seus negocios as experiencias xa vividas en PEMEs galegas de diversos sectores. Coa difusión destes casos búscase estimular a implantación de proxectos TIC entre o empresariado de Galicia.
Programa
Tras a benvida institucional, a xerente de Conservas Galuriña, Carmen Sánchez, compartirá cos asistentes a experiencia no proceso de implantación das novas tecnoloxías na súa empresa, creada a partir do seu soño de emprender un negocio de empanadas e conservas artesás co mellor produto da zona: peixe, mariscos e algas.
Con sede no concello de Muros, Galuriña distínguese pola receita das súas empanadas, que serviron para recuperar unha receita de masas do século XIX, e pola calidade e a embalaxe das súas conservas.
A continuación, Javier Barral abordará o proceso experimentado na queixería Brexeo, creada en 1991 cando tres gandeiros de Sobrado dos Monxes deciden unirse para utilizar o leite das súas explotacións familiares na elaboración de queixo. Na actualidade ten 8 empregados e transforma entre 250.000 e 350.000 litros de leite ao mes. Está adherida aos Consellos Reguladores de Denominación de Orixe Protexida Tetilla e Arzúa-Ulloa.
Finalmente, Rafael González achegará a vivencia da implantación de novas tecnoloxías na empresa de construción González Otero, con sede en Sanxenxo. Fundada en 1979, a empresa González Otero comezou a súa andaina centrada na construción de vivendas unifamiliares. Integrada na Asociación Provincial de Empresas da Construción de Pontevedra, durante a crise foi quen de reestruturarse e volver medrar. Hoxe oferta todo tipo de obras, desde reformas ata construción de edificios. Un debate aberto cos tres relatores porá o peche ao encontro.
Asesoramento
O Programa de asesores TIC comezou a desenvolverse en 2013 co obxectivo de prestarlles apoio gratuíto a PEMEs galegas no seu proceso de mellora tecnolóxica. A iniciativa dirixiuse especialmente a negocios dos sectores da agroalimentación, mar e acuicultura e construción, representados na xornada do vindeiro 18 de xuño, así como a autónomos.
O asesoramento foi desenvolvido por profesionais con formación en Enxeñaría en Informática, colexiados e colexiadas do CPEIG, para axudarlles ás empresas a definir as súas necesidades, en función do seu modelo de negocio, e buscar as mellores solucións no marco das TICs.
Sobre o CPEIG
O Colexio Profesional de Enxeñaría en Informática de Galicia (CPEIG) é un dos colexios profesionais máis activos na defensa dos intereses dos seus colexiados. Constituído en decembro de 2007 e con sede en Santiago de Compostela, na actualidade conta con máis de 350 persoas colexiadas.
Programa
Tras a benvida institucional, a xerente de Conservas Galuriña, Carmen Sánchez, compartirá cos asistentes a experiencia no proceso de implantación das novas tecnoloxías na súa empresa, creada a partir do seu soño de emprender un negocio de empanadas e conservas artesás co mellor produto da zona: peixe, mariscos e algas.
Con sede no concello de Muros, Galuriña distínguese pola receita das súas empanadas, que serviron para recuperar unha receita de masas do século XIX, e pola calidade e a embalaxe das súas conservas.
A continuación, Javier Barral abordará o proceso experimentado na queixería Brexeo, creada en 1991 cando tres gandeiros de Sobrado dos Monxes deciden unirse para utilizar o leite das súas explotacións familiares na elaboración de queixo. Na actualidade ten 8 empregados e transforma entre 250.000 e 350.000 litros de leite ao mes. Está adherida aos Consellos Reguladores de Denominación de Orixe Protexida Tetilla e Arzúa-Ulloa.
Finalmente, Rafael González achegará a vivencia da implantación de novas tecnoloxías na empresa de construción González Otero, con sede en Sanxenxo. Fundada en 1979, a empresa González Otero comezou a súa andaina centrada na construción de vivendas unifamiliares. Integrada na Asociación Provincial de Empresas da Construción de Pontevedra, durante a crise foi quen de reestruturarse e volver medrar. Hoxe oferta todo tipo de obras, desde reformas ata construción de edificios. Un debate aberto cos tres relatores porá o peche ao encontro.
Asesoramento
O Programa de asesores TIC comezou a desenvolverse en 2013 co obxectivo de prestarlles apoio gratuíto a PEMEs galegas no seu proceso de mellora tecnolóxica. A iniciativa dirixiuse especialmente a negocios dos sectores da agroalimentación, mar e acuicultura e construción, representados na xornada do vindeiro 18 de xuño, así como a autónomos.
O asesoramento foi desenvolvido por profesionais con formación en Enxeñaría en Informática, colexiados e colexiadas do CPEIG, para axudarlles ás empresas a definir as súas necesidades, en función do seu modelo de negocio, e buscar as mellores solucións no marco das TICs.
Sobre o CPEIG
O Colexio Profesional de Enxeñaría en Informática de Galicia (CPEIG) é un dos colexios profesionais máis activos na defensa dos intereses dos seus colexiados. Constituído en decembro de 2007 e con sede en Santiago de Compostela, na actualidade conta con máis de 350 persoas colexiadas.
Guindeira C&E