Notas
-
O conselleiro de Cultura, Educación, Formación Profesional e Universidades, Román Rodríguez, e o reitor da Universidade da Coruña, Julio Abalde, asinaron esta mañá o convenio polo que a Xunta aporta o financiamento para a realización do proxecto do novo edificio do Campus de Ferrol, o Centro de Investigación en Industria Intelixente, Ci3. -
O escaparate mundial das últimas tendencias en automatización e robótica sitúase esta semana no campus de Vigo, nas VIII Jornadas sobre tecnologías y soluciones para la automatización industrial JAI’2022, un evento que volve a presencialidade e faino con cifras récord: máis de 2000 persoas rexistradas, 125 empresas participantes e preto de medio cento de conferencias. -
O décimo aniversario do descubrimento do bosón de Higgs será a temática arredor da que xirará a vindeira Nerd Nite, que o mércores 23 de novembro, regresa logo do parón obrigado por mor da pandemia. Rolf Heuer, director xeral do CERN de 2009 a 2015, será un dos relatores que integrarán o programa desta sesión que se artella en base a pequenas charlas científicas onde especialistas dialogan co público das disciplinas que lles apaixonan fóra do ámbito académico, nun ton distendido e en horario nocturno. -
O II Encontro Galego de Ciberseguridade reunirá os días 9 e 10 de novembro entidades de referencia no campo da seguridade da información, especialistas na materia, xunto con divulgadores e profesionais. O programa o día 9 pola mañá contará con actividades dirixidas á administración pública, e pola tarde estará centrado no tecido empresarial. -
'A dixitalización non é o futuro, xa está aquí e require iniciativa e capacidade de adaptación'. De aquí a 2030 o seu impacto na produtividade, no emprego, na desigualdade, etc. dependerá das políticas públicas que se deseñen desde hoxe mesmo nas distintas administracións, pero 'dende logo' cun protagonismo especial do goberno autonómico. -
Afundación, a Obra Social de ABANCA, continúa co ciclo de cinema sobre intelixencia artificial vinculado á exposición internacional interactiva 'AI: More than Human' que se poderá visitar na Sede Afundación da Coruña ata o vindeiro 5 de febreiro. Está composto por dez películas que expoñen a relación dos seres humanos coa intelixencia artificial desde diferentes perspectivas. -
Este xoves arrancou a celebración da Mobile Week Ourense 2022, cita impulsada por la Deputación de Ourense e Mobile World Capital Barcelona e apoiada entre outras institucións pola Universidade de Vigo. Ata o 18 de setembro, desenvolverase unha intensa programación enfocada a xerar interese pola tecnoloxía e evitar o risco de exclusión dixital que terá entre os seus escenarios a Escola Superior de Enxeñaría Informática do campus de Ourense. -
A Universidade de Vigo é unha das entidades que está a participar no estudo de viabilidade de Caramuel, a primeira misión satelital global en órbita xeoestacionaria destinada á distribución cuántica de claves, unha das principais tecnoloxías que definirán as comunicacións seguras do futuro. -
A Coruña prepárase para recibir a montaxe da exposición internacional 'AI: More than human', un proxecto expositivo inmersivo e interactivo sobre intelixencia artificial creado polo Barbican Centre de Londres e coproducido polo Forum Groningen de Países Baixos. É unha das grandes apostas da entidade de cara a final de ano, un proxecto internacional, innovador e multidisciplinar. -
A Universidade de Santiago de Compostela volverá acoller en 2024 o congreso ECAI (European Conference on Artificial Intelligence). O encontro científico máis importante de Europa no ámbito da Intelixencia Artificial regresará a Santiago de Compostela por segunda vez en catro anos da man do CiTIUS (Centro Singular de Investigación en Tecnoloxías Intelixentes da USC).
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
